Insúa entra con molestias na convocatoria

Os problemas físicos do central fan que Fernando Vázquez teña que citar a 19 futbolistas para o encontro deste sábado co Tenerife.

 

Fernando Vázquez repite convocataria de 19 xogadores da semana pasada para o partido que enfrentará ao Deportivo co Tenerfie mañá en Riazor ás 21:00 horas.  Se no último partido contra o Zaragoza, Marchena era o descarte por unhas molestias musculares, todo parece indicar, que Pablo Insúa terá a mesma mala sorte que o central sevillano, xa que o canteirán branquiazul tívose que retirar dos adestramentos antes de tempo por unhas molestias musculares no glúteo.

Ademais de Insúa (se é baixa), a enfermería do Deportivo ten a dous inquilinos desde fai tempo: Toché e Diogo Salomao; que son xunto co sancionado Luisinho, outros dos xogadores ausentes na convocatoria do adestrador de Castrofeito.

CONVOCATORIA COMPLETA:

Porteiros: Germán Lux e Fabricio.

Defensas: Manuel Pablo, laure, Seoane, Marchena, Lopo e Insúa.

Centrocampsitas: Alex Bergantiños, Juan Domínguez, Sissoko, Antonio Nuñez, Rabello, Wilk e Juan Carlos.

Dianteiros: Luis Fernández, Borja Bastón , Arizmendi e Diego Ifrán.